ایشز سیریز:انگلینڈ 15 سال بعد آسٹریلیا میں ٹیسٹ میچ جیتنے میں کامیاب

میلبرن: انگلینڈ نے آسٹریلیا میں 15 سال بعد ٹیسٹ میچ جیت کر ایشز سیریز میں اہم کامیابی حاصل کر لی۔

ایشز سیریز کے چوتھے ٹیسٹ کے دوسرے دن میلبرن کرکٹ اسٹیڈیم میں انگلش ٹیم نے میزبان آسٹریلیا کو 4 وکٹ سے شکست دی اور سیریز میں خسارہ تین ایک کر دیا۔ آسٹریلیا نے دوسری اننگز میں 132 رنز بنائے جبکہ انگلینڈ نے 175 رنز کا ہدف 6 وکٹوں کے نقصان پر 33 ویں اوور میں حاصل کر لیا۔

آسٹریلیا کی جانب سے ٹریوس ہیڈ نے 46 اور کپتان اسٹیو اسمتھ نے 24 رنز بنائے۔ انگلینڈ کے برائیڈن کارز نے 4، بین اسٹوکس نے 3 اور جوش ٹنگ نے 2 وکٹیں حاصل کیں۔ انگلینڈ کے جیکب بیتھل 40، زیک کرالی 37 اور بین ڈکٹ 34 رنز بنا کر جیت میں اہم کردار ادا کیا۔

آسٹریلوی ٹیم کی جانب سے جھے رچرڈسن، اسکاٹ بولینڈ اور مچل اسٹارک نے 2، 2 وکٹیں حاصل کیں۔ انگلینڈ 15 سال اور 19 ٹیسٹ میچوں کے بعد آسٹریلوی سرزمین پر جیتنے میں کامیاب ہوئی، اور پانچ میچوں کی سیریز میں آسٹریلیا کو تین ایک کی فیصلہ کن برتری حاصل ہے۔

پرتھ میں کھیلا گیا پہلا ٹیسٹ میچ بھی دوسرے ہی دن ختم ہو گیا تھا، جس کے باعث کرکٹ آسٹریلیا کو بھاری نقصان اٹھانا پڑا تھا۔