سری لنکا کیخلاف ٹی ٹونٹی سیریز کے لیے 15 رکنی قومی سکواڈ کا اعلان

پاکستان کرکٹ بورڈ نے سری لنکا کے ساتھ ہونے والی تین میچز پر مشتمل ٹی ٹونٹی سیریز کے لیے 15 رکنی قومی سکواڈ کا اعلان کر دیا ہے۔

نئی ٹیم 4 اور 5 جنوری 2026 کو مرحلہ وار طور پر سری لنکا روانہ ہوگی، جس کی قیادت سلمان علی آغا کریں گے۔ وکٹ کیپر بلے باز خواجہ نافع پہلی بار ٹی ٹونٹی سکواڈ میں شامل کیے گئے ہیں، جبکہ شاداب خان کندھے کی سرجری کے بعد دوبارہ سکواڈ کا حصہ بن گئے ہیں۔

پاکستان اور سری لنکا کے درمیان تین ٹی ٹونٹی میچز 7، 9 اور 11 جنوری کو دمبولا میں کھیلے جائیں گے۔

نئے ٹی ٹونٹی سکواڈ میں شامل کھلاڑیوں کے نام درج ذیل ہیں: سلمان علی آغا (کپتان)، عبدالصمد، ابرار احمد، فہیم اشرف، فخر زمان، خواجہ محمد نافع، محمد نواز، محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب، شاداب خان، عثمان خان اور عثمان طارق۔