انڈونیشیا:نرسنگ ہوم میں آگ،16 افراد ہلاک

انڈونیشیا کے شمالی سولاویسی صوبے کے دارالحکومت منادو میں اتوار کی شام ایک نرسنگ ہوم میں لگنے والی آگ کے نتیجے میں کم از کم 16 افراد ہلاک ہو گئے۔ واقعہ پال دوا علاقے کے رانوموت سب ڈسٹرکٹ میں واقع پانتی وردھا دمائی نرسنگ ہوم میں پیش آیا۔

پولیس کی فرانزک ٹیمیں جائے حادثہ پر پہنچ گئیں اور ابتدائی تحقیقات شروع کر دی گئی ہیں، جن میں عینی شاہدین کے بیانات اور حادثے کے مقام کا معائنہ شامل ہے تاکہ آگ لگنے کی وجوہات اور واقعات کی ترتیب معلوم کی جا سکے۔

یاد رہے کہ اسی ماہ کے آغاز میں جکارتہ میں ایک رہائشی مکان میں لگنے والی آگ میں کم از کم 5 افراد ہلاک ہو چکے ہیں۔ حکام نے نرسنگ ہوم میں حفاظتی اقدامات پر نظر ثانی اور مزید سخت اقدامات کرنے کا اعلان کیا ہے تاکہ مستقبل میں ایسے حادثات سے بچا جا سکے۔