شاہین شاہ آفریدی کے چاہنے والوں کیلئے بڑی خوشخبری

قومی کرکٹ ٹیم کے فاسٹ بولر شاہین شاہ آفریدی اگلے ہفتے بولنگ پریکٹس دوبارہ شروع کریں گے۔ لاہور قلندرز کے ٹیلنٹ ہنٹ ایونٹ کے دوران میڈیا سے بات کرتے ہوئے انہوں نے کہا کہ پی سی بی میڈیکل ٹیم کی نگرانی میں ان کی بحالی کا عمل جاری ہے۔

شاہین نے بتایا کہ وہ اس دوران جم میں سخت محنت کے ساتھ بیٹنگ پریکٹس بھی کر رہے ہیں اور اگلے ہفتے سے بولنگ پریکٹس کا آغاز کریں گے۔

🦅 Recovery mode on! Shaheen Afridi starts rehab at National Cricket Academy, Lahore pic.twitter.com/AMc0NfAhmj

— Pakistan Cricket (@TheRealPCB) January 7, 2026

انہوں نے مزید کہا کہ ان کی ایم آر آئی رپورٹ زیادہ تشویشناک نہیں تھی اور گھٹنے کی ہڈی پر معمولی سوجن کے باعث یہ مسئلہ صرف ایک ہفتے میں ٹھیک ہو جائے گا۔

واضح رہے کہ شاہین آفریدی بگ بیش لیگ کے دوران گھٹنے کی انجری کا شکار ہوئے تھے، اور وہ آئندہ ماہ شیڈول ٹی ٹوئنٹی ورلڈ کپ کے لیے فٹ ہونے کے لیے پرامید ہیں۔