سابق ہیڈ کوچ جیسن گلیسپی کی ایک بار پھر پاکستان کرکٹ میں واپسی

 

پاکستان ریڈ بال ٹیم کے سابق ہیڈ کوچ جیسن گلیسپی کی ایک بار پھر پاکستان کرکٹ میں واپسی کے امکانات روشن ہو گئے ہیں۔

ذرائع کے مطابق جیسن گلیسپی قومی ٹیم کی کوچنگ کے بجائے پاکستان سپر لیگ (پی ایس ایل) کی ٹیم کی کوچنگ کی ذمہ داریاں سنبھال سکتے ہیں۔

اطلاعات کے مطابق جیسن گلیسپی پی ایس ایل میں شامل ہونے والی نئی ٹیم حیدرآباد کے ہیڈ کوچ بننے کے مضبوط امیدوار ہیں۔

واضح رہے کہ جیسن گلیسپی 2024 میں مختصر عرصے کے لیے پاکستان ریڈ بال ٹیم کے ہیڈ کوچ رہے تھے اور بعد ازاں انہوں نے عہدے سے استعفیٰ دے دیا تھا۔

پاکستان سپر لیگ کا سیزن 11 مارچ سے شروع ہو رہا ہے، جس میں اب 6 کے بجائے 8 ٹیمیں ٹرافی کے لیے مقابلہ کریں گی۔