حیدرآباد کی نئی فرنچائز نے جیسن گلیسپی کو ہیڈ کوچ مقرر کر دیا

 

کراچی: پاکستان سپر لیگ کی نئی فرنچائز حیدرآباد نے سابق پاکستان کرکٹ ٹیم کے ہیڈ کوچ جیسن گلیسپی کو اپنی ٹیم کا ہیڈ کوچ مقرر کر دیا ہے۔

میڈیا رپورٹس کے مطابق جیسن گلیسپی اور حیدرآباد فرنچائز کے درمیان مذاکرات کامیاب ہو گئے ہیں اور دونوں فریقین کے درمیان باقاعدہ معاہدہ طے پا گیا ہے۔

 

اب گلیسپی مارچ میں شروع ہونے والے پی ایس ایل سیزن میں حیدرآباد کی کوچنگ کریں گے۔

واضح رہے کہ اپریل 2024 میں جیسن گلیسپی کو پاکستان کے ٹیسٹ اسکواڈ کا ہیڈ کوچ مقرر کیا گیا تھا اور انہوں نے وائٹ بال ٹیم کی قیادت بھی کی تھی۔

تاہم دسمبر 2024 میں پی سی بی کے ساتھ کشیدہ تعلقات کی وجہ سے انہوں نے جنوبی افریقہ میں دو میچوں کی ٹیسٹ سیریز سے قبل عہدے سے استعفیٰ دے دیا تھا۔