پاکستان کے بائیکاٹ کے باوجود بھارت کو کولمبو جانا پڑے گا ،مگر کیوں؟

آئی سی سی ٹی ٹوئنٹی ورلڈ کپ میں پاکستان کی جانب سے بھارت کے خلاف میچ کھیلنے سے انکار کے بعد بھی بھارتی ٹیم کو سری لنکا جانا پڑے گا۔ پاکستان نے وزیر اعظم شہباز شریف اور چیئرمین پی سی بی محسن نقوی کی ملاقات کے بعد بھارت کے خلاف میچ نہ کھیلنے کا فیصلہ کیا تھا۔

میچ 15 فروری کو شیڈول ہے، اور پاکستان کے بائیکاٹ کے اعلان کے باوجود بھارتی ٹیم کو کولمبو پہنچنا ہوگا۔ ٹیم کو اسٹیڈیم وقت پر پہنچ کر میچ منسوخی کے آفیشل اعلان کا انتظار کرنا ہوگا۔

آئی سی سی کے قوانین کے مطابق، جب میچ آفیشل طور پر منسوخ کیا جائے گا، بھارتی ٹیم کو اس میچ کے لیے دو پوائنٹس دیے جائیں گے۔

ماہرین کے مطابق یہ اقدام عالمی کرکٹ کے قواعد اور پوائنٹس سسٹم کے تحت ضروری ہے، اور اس سے کسی بھی ٹیم کو غیر ضروری نقصان سے بچایا جا رہا ہے۔