مانچسٹر میں نماز تراویح کے دوران کلہاڑی سے مسلح شخص کا امام پر حملہ
برطانیہ کے شہر مانچسٹر میں واقع وکٹوریہ پارک مسجد میں تراویح کی نماز کے دوران خوفناک واقعہ پیش آیا، جہاں ایک شخص کلہاڑی، چاقو اور ہتھوڑا لے کر مسجد میں داخل ہوگیا۔
عینی شاہدین کے مطابق حملہ آور چیختا ہوا اندر آیا اور امام کو تلاش کر رہا تھا۔ واقعے کے دوران نمازیوں میں بھگدڑ مچ گئی اور لوگوں نے اپنی جان بچانے کے لیے نماز توڑ کر محفوظ مقام کی طرف جانے کی کوشش کی۔
🚨A far-right man dressed in a high-vis jacket entered Victoria Park Mosque in Manchester during Taraveeh Namaaz on Tuesday night armed with an axe, knife and a hammer – shouting and looking for the Imaam to kill him. Everyone began breaking prayers and tried to run, according to… pic.twitter.com/unG7ZblD87
— Murtaza Ali Shah (@MurtazaViews) February 25, 2026
مقامی افراد نے ہمت کا مظاہرہ کرتے ہوئے حملہ آور کو قابو کرنے کی کوشش کی۔ ایک شخص نے اس کے ہاتھ میں کلہاڑی دیکھ کر اسے زمین پر گرا دیا، جس کے بعد پولیس کو اطلاع دی گئی۔ گریٹر مانچسٹر پولیس کے مسلح افسران چند منٹوں میں موقع پر پہنچ گئے اور ملزم کو گرفتار کر لیا۔
پولیس نے علاقے کو گھیرے میں لے کر تحقیقات شروع کر دی ہیں جبکہ واقعے کی نوعیت اور محرکات جاننے کے لیے مزید تفتیش جاری ہے۔