آبنائے ہرمز میں بحری ٹریفک دوبارہ معطل۔ کچھ جہاز واپس مڑ گئے

آبنائے ہرمز سے گزرنے والی بحری ٹریفک، جو پہلے ہی محدود سطح پر جاری تھی، امریکی صدر ٹرمپ کی جانب سے ناکہ بندی کے اعلان کے بعد “فوری طور پر رک گئی” اور کچھ جہاز واپس بھی مڑ گئے۔

رپورٹ میں کہا گیا ہے کہ ناکہ بندی کے اعلان سے قبل اتوار کے روز اس راستے سے بحری آمد و رفت اگرچہ کم سطح پر جاری تھی، لیکن مکمل طور پر بند نہیں ہوئی تھی۔

رپورٹ کے مطابق ہفتے کے روز ٹینکرز کی نقل و حرکت میں معمولی اضافہ بھی دیکھا گیا تھا، کیونکہ شپنگ کمپنیاں ممکنہ جنگ بندی صورتحال کے دوران کچھ جہازوں کو مشرق وسطیٰ کے خلیج سے نکالنے کی کوشش کر رہی تھیں۔

تاہم ٹرمپ کے بحری ناکہ بندی کے اعلان کے بعد صورتحال تبدیل ہوگئی اور تمام بحری ٹریفک رک گئی، جبکہ کم از کم دو جہاز جو آبنائے ہرمز سے باہر جانے کی کوشش کر رہے تھے، وہ بھی واپس مڑ گئے۔