غزہ کے کیمپ پر اسرائیلی ڈرون حملہ۔ 5 افراد جاں بحق

غزہ کے وسطی علاقے میں واقع المغازی کیمپ پر اسرائیلی ڈرون حملے میں 5 افراد جاں بحق ہوگئے ہیں۔
مقامی میڈیا کے مطابق یہ حملہ مبینہ طور پر ان فلسطینیوں کو نشانہ بنا کر کیا گیا جو کیمپ کے مشرقی حصے میں اسرائیل کی حمایت یافتہ ملیشیاؤں کا مقابلہ کر رہے تھے۔
محصور غزہ پٹی گزشتہ دو سال سے جاری اسرائیلی کارروائیوں کے باعث شدید تباہی کا شکار ہے، جسے انسانی حقوق کے ادارے بڑے پیمانے پر جانی نقصان کے باعث ایک تباہ کن جنگ قرار دیتے ہیں۔
رپورٹس کے مطابق اس جنگ میں اب تک 72 ہزار سے زائد فلسطینی جاں بحق ہو چکے ہیں، جبکہ اکتوبر 2025 میں اعلان کردہ جنگ بندی کے بعد بھی 800 سے زائد افراد مارے جا چکے ہیں۔