مشرق وسطیٰ کشیدگی۔ جاپان نے 19 ارب ڈالر اضافی بجٹ منظور کرلیا

جاپان کی کابینہ نے مہنگائی میں اضافے اور روزمرہ اخراجات میں تیزی سے اضافے کے اثرات کو کم کرنے کے لیے 19 ارب ڈالر کا اضافی بجٹ منظور کر لیا ہے۔ یہ مہنگائی مبینہ طور پر امریکہ اور اسرائیل کی ایران کے خلاف جنگ سے پیدا ہونے والے عالمی اثرات کے نتیجے میں بڑھ رہی ہے۔

جاپانی وزیراعظم کے دفتر نے بتایا کہ یہ اضافی بجٹ بدھ کی صبح ہونے والے اجلاس میں باقاعدہ طور پر منظور کیا گیا۔
سرکاری ترجمان منورو کیہارا نے کہا کہ مشرق وسطیٰ کی صورتحال میں جاری غیر یقینی صورتحال کے پیش نظر یہ بجٹ اس طرح ترتیب دیا گیا ہے کہ ممکنہ معاشی خطرات کو کم سے کم کیا جا سکے۔
ترجمان نے مزید کہا کہ حکومت کی کوشش ہے کہ توانائی کی بڑھتی قیمتوں کے اثرات کو کم کیا جائے۔
وزیراعظم سنائے تاکاچی نے گزشتہ ماہ کہا تھا کہ اس اضافی بجٹ کے ذریعے پیٹرول، بجلی اور گیس کی بڑھتی ہوئی قیمتوں میں عوام کو ریلیف دیا جائے گا۔