اقتدارپرقابض طالبان رجیم نے اپنے ہی شہریوں کی زندگی جہنم بنا دی

اقتدارپرقابض طالبان رجیم نےقانون اورانصاف کو پس پشت ڈال کراپنےہی شہریوں کی زندگی جہنم بنادی ہے۔

افغانستان کے صوبہ ہرات میں حالیہ احتجاجی مظاہروں کے دوران سکیورٹی فورسز نے مظاہرین پر سیدھی گولیاں چلا دیں ۔ مختلف میڈیا رپورٹس کے مطابق احتجاج کے دوران فائرنگ کے واقعات میں ایک شخص ہلاک جبکہ متعدد افراد زخمی ہوئے۔

رپورٹس کے مطابق یہ احتجاج بعض حالیہ گرفتاریوں اور حکومتی پالیسیوں کے خلاف کیا جا رہا تھا۔ کشیدگی میں اضافے کے بعد علاقے میں سکیورٹی انتظامات سخت کر دیے گئے اور اضافی اہلکار تعینات کیے گئے۔

سوشل میڈیا پر گردش کرنے والی بعض ویڈیوز میں سکیورٹی اہلکاروں کو شہریوں کی تلاشی لیتے اور مختلف مقامات پر نگرانی کرتے ہوئے دیکھا جا سکتا ہے، تاہم ان ویڈیوز کی آزاد ذرائع سے مکمل تصدیق نہیں ہو سکی۔

مقامی اور بین الاقوامی مبصرین کا کہنا ہے کہ افغانستان میں انسانی حقوق، شہری آزادیوں اور عوامی تحفظ سے متعلق معاملات پر مسلسل توجہ دی جا رہی ہے۔ ان کے مطابق موجودہ صورتحال میں کشیدگی کم کرنے اور مسائل کے حل کے لیے مذاکرات اور پرامن ذرائع اختیار کرنا ضروری ہے۔