ریڈ کارڈز کے طوفان میں امریکا کی برازیل پر کامیابی
یہ میچ فورٹالیزا میں کھیلا گیا، جہاں 55 ہزار سے زائد شائقین نے مقابلہ دیکھا۔
برازیل اور امریکا کی ویمنز فٹبال ٹیموں کے درمیان کھیلا گیا دوستانہ میچ ایک غیر معمولی اور ہنگامہ خیز مقابلے میں تبدیل ہوگیا، جس میں امریکا نے برازیل کو ایک گول سے شکست دے دی۔
یہ میچ فورٹالیزا میں کھیلا گیا، جہاں 55 ہزار سے زائد شائقین نے مقابلہ دیکھا۔ میچ کے دوران صورتحال اس وقت کشیدہ ہوگئی جب برازیل کی ٹیم اور اس کے کوچنگ اسٹاف کو مجموعی طور پر آٹھ ریڈ کارڈز دکھائے گئے۔
ریڈ کارڈز حاصل کرنے والوں میں دو کھلاڑی اور چار کوچنگ اسٹاف کے ارکان شامل تھے، جس کے باعث ٹیم کو شدید مشکلات کا سامنا کرنا پڑا۔ میچ کے بعد بھی مزید دو کھلاڑیوں کو ریڈ کارڈ دکھائے جانے کی اطلاعات سامنے آئیں۔
تنازع اور ہنگامہ آرائی کے باوجود امریکا کی ٹیم نے بہتر کھیل کا مظاہرہ کرتے ہوئے میچ اپنے نام کیا اور ایک گول کی برتری سے کامیابی حاصل کی۔
فٹبال ماہرین کے مطابق یہ دوستانہ میچ اپنی نوعیت کا ایک غیر معمولی واقعہ بن گیا، جس میں کھیل سے زیادہ تنازعات اور ریڈ کارڈز نے توجہ حاصل کی۔