امریکی کانگریس میں اسرائیل کی حمایت پر دراڑیں۔نئی سیاسی تقسیم سامنے آگئی

امریکہ میں اسرائیل کی حمایت پر سیاسی سطح پر نئی دراڑیں سامنے آنا شروع ہوگئی ہیں۔ امریکی کانگریس میں اس سال کے دوران وہ مضبوط دو طرفہ حمایت کمزور ہوتی دکھائی دے رہی ہے جو کئی دہائیوں سے اسرائیل کے لیے برقرار تھی۔
رپورٹس کے مطابق امریکہ نے تقریباً آٹھ دہائیوں سے اسرائیل کی بھرپور حمایت کی ہے، جبکہ گزشتہ 15 سال کے دوران صرف معمولی سطح کے اختلافات امریکی صدر اور اسرائیلی وزیر اعظم کے درمیان دیکھے گئے۔
تاہم اب صورتحال میں تبدیلی آ رہی ہے اور ڈیموکریٹک اور ریپبلکن دونوں جماعتوں کے اندر اسرائیل کے حوالے سے پہلے سے زیادہ واضح اختلافات اور تقسیم سامنے آ رہی ہے، جسے امریکی سیاست میں ایک غیر معمولی پیش رفت قرار دیا جا رہا ہے۔