غزہ میں اسرائیلی فوج کا حملہ۔ حماس کے 2 کمانڈروں مارنے کا دعویٰ

اسرائیلی فوج نے دعویٰ کیا ہے کہ اس نے ہفتے کے آخر میں شمالی غزہ میں مختلف حملوں کے دوران حماس کے دو کمانڈروں کو ہلاک کیا۔

فوج نے سوشل میڈیا پر جاری بیان میں کہا کہ اس نے احمد منیر خلیل زازا کو ہلاک کیا، جسے غزہ سٹی کے علاقے میں مغربی جبالیہ بٹالین کا انجینئرنگ افسر قرار دیا گیا تھا۔

ایک دوسرے حملے میں اسرائیلی فوج نے کہا کہ اس نے حسین صفادی کو ہلاک کیا، جس پر غزہ سٹی میں اسنائپر یونٹ کے کمانڈر ہونے کا الزام عائد کیا گیا۔

اسرائیلی فوج نے اکتوبر 2025 میں امریکہ کی ثالثی سے حماس اور اسرائیل کے درمیان ہونے والی جنگ بندی کے بعد سے غزہ میں 1,000 سے زائد فلسطینیوں کو ہلاک کرنے کا دعویٰ کیا ہے۔

اس کے بعد اسرائیل نے فلسطینی علاقوں میں اپنی موجودگی مزید مضبوط کر لی ہے اور اب وہ غزہ کی پٹی کے تقریباً 64 فیصد حصے پر کنٹرول رکھتا ہے۔