لامین یمال کا ننھے بھائی کے ساتھ جشن، ورلڈکپ فتح کے بعد ویڈیو وائرل
میچ کے بعد یمال اپنی والدہ، اہلخانہ اور قریبی افراد کے ہمراہ جشن مناتے نظر آئے، جبکہ ننھے کینے کے خوشی بھرے انداز نے فٹبال مداحوں کے دل جیت لیے۔
فیفا ورلڈکپ 2026 میں اسپین کی تاریخی کامیابی کے بعد نوجوان فٹبال اسٹار لامین یمال کے ننھے بھائی کے ساتھ جشن منانے کی ویڈیوز اور تصاویر سوشل میڈیا پر مقبول ہو گئی ہیں۔
اسپین نے فائنل مقابلے میں ارجنٹینا کو ایک گول سے شکست دے کر دوسری مرتبہ عالمی کپ ٹائٹل اپنے نام کیا۔ فتح کے بعد میدان میں ہونے والی تقریبات میں لامین یمال اور ان کے تین سالہ بھائی کینے کی موجودگی نے شائقین کی توجہ حاصل کر لی۔
Finally trophy with this duo 🥹❣️ pic.twitter.com/R3vkvI6ONQ
— Mira ᯓ★ (@AddictedtoFCB8) July 20, 2026
میچ کے بعد یمال اپنی والدہ، اہلخانہ اور قریبی افراد کے ہمراہ جشن مناتے نظر آئے، جبکہ ننھے کینے کے خوشی بھرے انداز نے فٹبال مداحوں کے دل جیت لیے۔
پورے ٹورنامنٹ کے دوران کینے اپنے بڑے بھائی کی حوصلہ افزائی کرتے دکھائی دیے، جبکہ یمال بھی مختلف مواقع پر اپنے بھائی کو تلاش کرتے اور اس کے ردعمل کا انتظار کرتے نظر آئے۔
اسپین کی عالمی فتح کے ساتھ لامین یمال اور ان کے بھائی کے یہ جذباتی لمحات بھی ورلڈکپ کی یادگار تصاویر میں شامل ہو گئے۔