آ ج کی دعا

جب کوئی شخص احسان کرے
جب کسی شخص کی طرف سے کوئی احسان یا اچھا سلوک سامنے آئے تو کہے۔
جَزَاکَ اللّٰہُ خَیْرًا
حدیث میں اس کو بہترین تعریف اور شکر قرار دیا گیا ہے۔ (ابن السنی)
جب کوئی شخص قرض دے
اگر کسی شخص نے کوئی چیز ادھار دی ہو یا قرض روپیہ دیا ہو تو یہ کہے۔
بَارَکَ اللّٰہُ لَکَ فِیْ اَھْلِکَ وَ مَالِکَ
ترجمہ: اللہ تعالیٰ تمہارے گھر والوں اور تمہارے مال میں برکت عطا فرمائے۔
(ابن السنی ص 76)
جب قرض کی ادائیگی کی فکر ہو
جب کسی پر قرض ہوجائے اور اسے ادا کرنے کی فکر ہو تو یہ دعا مانگے:
اَللّٰھُمَّ اِنِّیْ اَعُوْذُبِکَ مِنَ الْھَمِّ وَالُحُزْنِ وَاَعُوْذُبِکَ مِنَ الُعَجْزِ وَاْلکَسَلِ وَاَعُوْذُبِکَ مِنَ الُجُبْنِ وُالُبُخْلِ وَاَعُوْذُبِکَ مِنْ غَلَبَۃِ الدَّیْنِ وَقَھْرِ الرِّجَالِ۔(ابو دائود)
ترجمہ : یا اللہ ! میں فکر اور غم سے آپ کی پناہ مانگتا ہوں اور عاجزی اور سستی سے آپ کی پناہ مانگتا ہوں اور بزدلی اور بخل سے آپ کی پناہ مانگتا ہوں اور قرض کے غالب آجانے اور لوگوں کے مسلط ہوجانے سے آپ کی پناہ مانگتا ہوں۔
(یہ دعا صبح و شام کرنی چاہئے)