پاکستان ڈے ہاکی ٹورنامنٹ کا آغاز

راولپنڈی (اے پی پی) پاکستان ڈے ہاکی ٹورنامنٹ (آج) جمعرات سے شہناز شیخ ہاکی اسٹیڈیم میں شروع ہوگا۔ ٹورنامنٹ میں راولپنڈی ڈسٹرکٹ کی ٹیمیں شرکت کریں گی۔ کانگریس ممبر پاکستان ہاکی فیڈریشن اور پنجاب ہاکی ایسوسی ایشن محمد یاسین نے اے پی پی کو بتایا کہ پاکستان ڈے کے موقع پر راولپنڈی ہاکی ایسوسی ایشن اور سپورٹس ڈیپارٹمنٹ راولپنڈی کے زیر اہتمام ہاکی ٹورنامنٹ کا انعقاد کیا جارہا ہے جس میں ڈسٹرکٹ کی آٹھ ٹیمیں حصہ لیں گی، انہوں نے بتایا کہ تین روزہ ٹورنامنٹ میں پنجاب یوتھ، اے آر ایل، گوجر خان، پنڈی بوائز، پاکستان ہاکی کلب (کلر سیداں)، ذاکر ہاکی کلب (واہ)، شاہ زمان اور فائٹز کلب کی ٹیمیں شرکت کریں گی۔ ایونٹ میں (آج) جمعرات کو پہلا میچ اے آر ایل اور پنجاب یوتھ کے مابین کھیلا جائے گا، اسی روز دوسرے میچ میں گوجر خان اور پنڈی بوائز کی ٹیمیں مدمقابل ہوں گی، (کل) جمعہ کو پہلے میچ میں پاکستان ہاکی کلب (کلرسیداں) اور ذاکر ہاکی کلب واہ کی ٹیمیں آمنے سامنے ہوں گی۔
٭٭٭٭٭