پاک افغان سرحدی علاقے گلستان سیکٹر پر افغان جارحیت کی کوشش ناکام، متعدد افغان طالبان ہلاک

پاک افغان سرحد پر واقع گلستان سیکٹر میں افغانستان کی جانب سے جارحیت کی ایک اور کوشش کو سیکیورٹی فورسز نے بروقت اور مؤثر کارروائی کرتے ہوئے ناکام بنا دیا ہے۔ سیکیورٹی ذرائع کے مطابق اس جوابی کارروائی کے نتیجے میں متعدد افغان طالبان ہلاک ہو چکے ہیں۔

ذرائع کا کہنا ہے کہ افغان طالبان کی جانب سے پاکستانی حدود میں داخل ہونے اور جارحیت کی مذموم کوشش کی گئی تھی، جس پر پاکستانی سیکیورٹی فورسز نے فوری طور پر بھرپور جوابی آتش بازی کا استعمال کیا۔ اس کارروائی کے بعد سیکیورٹی فورسز اور افغان طالبان کے درمیان فائرنگ کا سلسلہ وقفے وقفے سے تاحال جاری ہے، جبکہ پاک افغان سرحد پر سیکیورٹی کے انتہائی سخت انتظامات کرتے ہوئے فورسز کو مکمل طور پر چوکس کر دیا گیا ہے۔

سیکیورٹی ذرائع نے اس عزم کا اعادہ کیا ہے کہ پاکستان کی مسلح افواج اور سیکیورٹی ادارے ملکی سرحدوں کے دفاع کے لیے ہمہ وقت تیار ہیں۔ افغانستان کی سرزمین سے پاکستان کی حدود میں ہونے والی ہر قسم کی دراندازی اور جارحیت کا منہ توڑ اور بروقت جواب دیا جائے گا تاکہ ملکی سلامتی کو ہ ہر قیمت پر یقینی بنایا جا سکے۔