انڈر 19 ایشیا کپ کے فائنل میں پاکستان نے بھارت کے خلاف ٹاس جیت کر بیٹنگ کا فیصلہ کر لیا

انڈر 19 ایشیا کپ 2026 کے فائنل میں پاکستان نے روایتی حریف بھارت کے خلاف ٹاس جیت کر پہلے خود بیٹنگ کرنے کا فیصلہ کیا ہے۔ یہ اہم فائنل میچ عمان کے المرات کرکٹ گراؤنڈ میں کھیلا جا رہا ہے۔

قومی ٹیم کی قیادت فرحان یوسف کر رہے ہیں جبکہ پلئینگ الیون میں عثمان خان، حایم خان، عبدالقادر، احمد حسین، حسنین عباس ڈار، حمزه ظہور، محمد صيام، علی رضا، نقاب شفیق اور رضوان اللہ شامل ہیں۔ دوسری جانب بھارتی ٹیم کی قیادت لکشیا رائے چندانی کے سپرد ہے۔

ٹورنامنٹ کے دوران دونوں ٹیموں کی کارکردگی شاندار رہی ہے۔ دفاعی چیمپئن پاکستان نے اس جاری ایونٹ میں اب تک تمام 4 میچوں میں کامیابی حاصل کی ہے اور وہ ٹورنامنٹ میں ناقابل شکست رہی ہے۔ گروپ مرحلے میں بھی پاکستان نے بھارت کو شکست دی تھی جبکہ سیمی فائنل میں بنگلہ دیش کو مات دے کر فائنل کے لیے کوالیفائی کیا تھا۔

دونوں روایتی حریفوں کے درمیان اس سے قبل کھیلے گئے گروپ میچ میں پاکستان نے 3 وکٹوں سے کامیابی حاصل کی تھی جس میں وکٹ کیپر حمزہ ظہور کی شاندار اور ناقابل شکست سنچری نمایاں تھی۔ بھارتی ٹیم کو اس براعظم ٹورنامنٹ میں واحد شکست پاکستان کے خلاف ہی اٹھانی پڑی تھی، جبکہ اس نے سیمی فائنل میں افغانستان کو ہرا کر فائنل تک رسائی حاصل کی ہے۔