راولپنڈی ٹیسٹ: پاکستان نے سری لنکا کے خلاف ٹاس جیت کر فیلڈنگ کا فیصلہ کر لیا
اہم میچ، قومی ٹیم میں ایک تبدیلی، پچ کی صورتحال کے پیش نظر چار فاسٹ بولرز کو شامل کیا گیا
راولپنڈی ٹیسٹ: پاکستان نے سری لنکا کے خلاف ٹاس جیت کر فیلڈنگ کا فیصلہ کر لیا
راولپنڈی میں کھیلے جانے والے دوسرے اور فیصلہ کن ٹیسٹ میچ میں پاکستان نے سری لنکا کے خلاف ٹاس جیت کر پہلے فیلڈنگ کرنے کا فیصلہ کیا ہے۔ اسپن آل راؤنڈر عرفات منہاس کی جگہ فاسٹ بولنگ آل راؤنڈر عامر جمال کو قومی پلیئنگ الیون کا حصہ بنایا گیا ہے۔
ٹاس کے موقع پر گفتگو کرتے ہوئے قومی ٹیم کے کپتان نے کہا کہ پچ کی نوعیت کو مدنظر رکھتے ہوئے اس میچ میں چار فاسٹ بولرز کے ساتھ میدان میں اترنے کا فیصلہ کیا گیا ہے تاکہ پہلے گھنٹے میں حریف ٹیم پر دباؤ بڑھایا جا سکے۔ سری لنکن ٹیم میں بھی ایک تبدیلی کی گئی ہے جہاں دلشان مدھوشنکا کی جگہ پرباتھ جے سوریا کو واپس لایا گیا ہے۔
واضح رہے کہ دونوں ٹیموں کے درمیان پہلا ٹیسٹ میچ بغیر کسی نتیجہ کے ختم ہو گیا تھا، جس میں خراب موسم اور روشنی کا مسئلہ بھی سامنے آیا تھا۔ علاوہ ازیں، ضلعی انتظامیہ کی ہدایات کے مطابق ٹیم کی نقل و حرکت کے دوران سکیورٹی کے پیش نظر راولپنڈی میں میٹرو بس سروس کے 3 اسٹیشنز یعنی ختم نبوت، فیض آباد اور سکستھ روڈ میچ کے دوران بند رہیں گے۔