چترال میں پاک فوج اور فرنٹیئر کور کا فری میڈیکل کیمپ، سیکڑوں مریضوں کا علاج

عوامی فلاحی اقدام، ماہر ڈاکٹروں نے معائنہ کیا، مفت ادویات تقسیم کی گئیں۔

November 19, 2026 · قومی
چترال میں پاک فوج اور فرنٹیئر کور کا فری میڈیکل کیمپ، سیکڑوں مریضوں کا علاج

چترال میں پاک فوج اور فرنٹیئر کور کا فری میڈیکل کیمپ، سیکڑوں مریضوں کا علاج

چترال میں پاک فوج اور فرنٹیئر کور خیبر پختونخوا کے زیر اہتمام ایک فری میڈیکل کیمپ کا انعقاد کیا گیا، جس میں دور دراز علاقوں کے مکینوں کو طبی سہولیات فراہم کی گئیں۔

دستیاب اطلاعات کے مطابق میڈیکل کیمپ میں مختلف شعبہ جات کے ماہر ڈاکٹروں نے مجموعی طور پر 873 مریضوں کا طبی معائنہ کیا اور انہیں موقع پر ہی مفت طبی مشاورت اور ادویات فراہم کیں۔ اس فلاحی کیمپ سے مستفید ہونے والوں میں 205 مرد، 523 خواتین اور 135 بچے شامل ہیں۔

رپورٹ کے مطابق پاک فوج اور فرنٹیئر کور کی جانب سے اس موقع پر 7 لاکھ 20 ہزار روپے مالیت کی مفت ادویات تقسیم کی گئیں۔ کیمپ کے دوران مریضوں کے تشخیصی ٹیسٹ بھی کیے گئے، جن میں 84 الٹراساؤنڈ، 162 لیبارٹری ٹیسٹ، 28 ایکسرے اور 69 ای سی جی شامل ہیں۔

میڈیکل کیمپ میں خواتین اور بچوں کو خصوصی طبی توجہ دی گئی، جبکہ بریسٹ کینسر، ذاتی صفائی اور مختلف موسمی بیماریوں سے بچاؤ کے حوالے سے خصوصی آگاہی سیشنز بھی منعقد کیے گئے۔ مقامی آبادی نے پاک فوج اور فرنٹیئر کور کے اس اقدام کو صحتِ عامہ اور عوامی فلاح کے لیے ایک انتہائی قابلِ ستائش قدم قرار دیا ہے۔