دورہ پاکستان۔ آسٹریلیا کی کرکٹ ٹیم کے ٹیسٹ اسکواڈ کااعلان

سڈنی:24 برس بعد پاکستان کا دورہ کرنے والی آسٹریلیا کی کرکٹ ٹیم کے ٹیسٹ اسکواڈ کا اعلان کر دیا گیا ، ٹیسٹ میچزکی قیادت پیٹ کمنز کریں گے ۔

آسٹریلین کرکٹ بورڈ کی جانب سے فل اسٹرنتھ ٹیسٹ ٹیم کا اعلان کیا گیا ہے ، یہ تمام وہی کھلاڑی ہیں جنہوں نے ایشیز سیریز میں حصہ لیا تھا ، اسٹیو اسمتھ آسٹریلین ٹیم کے نائب کپتان ہوں گے ۔

ٹیسٹ اسکواڈ میں  آشٹن اگر ، اسکاٹ بولینڈ ، کیمرون گرین ، مارکوس ہیرس ، ایلیکس کیری ، ٹریوس ہیڈ ، جوش ہیزل ، جوش انگلز، مارنوس لابوشین ،عثمان خواجہ ، مچل مارش ،  مچل اسٹارک ، مچل سویپسن ، مائیکل نیثر، نیتھن  لیوئن  ٹیم کا حصہ ہیں ۔