ٹریفک وارڈن بن کر 10سال تک شہریوں کو لوٹنے والا جعلساز گرفتار

گوجرانوالہ میں پولیس نے کارروائی کرتے ہوئے ٹریفک وارڈن بن کر دس سال تک شہریوں کو لوٹنے والا جعلساز پکڑا گیا۔
چیف ٹریفک پولیس آفیسرکے مطابق ملزم شہزاد ٹریفک وارڈن کی وردی پہنے ناکہ لگا کر شہریوں کو لوٹتا تھا اور گرفتاری کے وقت بھی یونیفارم پہنے ملزم شہزاد کے پاس چالان بک اور پستول بھی موجود تھا۔
سی ٹی او نے بتایا کہ ملزم کے خلاف مقدمہ درج کرکے یہ تحقیقات کی جارہی ہیں کہ ملزم نے وردی، چالان بک اور سروس کارڈ کہاں سے حاصل کیا۔