ایون فیلڈ پر سپریم کورٹ کا فیصلہ قانونی طور پر درست ہے۔فواد چوہدری

سپریم کورٹ نے ایون فیلڈ ریفرنس میں سابق وزیراعظم نواز شریف اور ان کی صاحبزادی مریم نواز کی سزا کالعدم قرار دینے کے اسلام آباد ہائی کورٹ کے فیصلے کے خلاف قومی احتساب بیورو (نیب) کی اپیل خارج کر دی ہے اور تینوں کی ضمانت برقرار رکھی گئی ہے.

وفاقی وزیر اطلاعات و نشریات فواد چوہدری نے ردعمل دیتے ہوئے سپریم کورٹ کے اس فیصلے کو بالکل درست قرار دیدیا ہے۔

سپریم کورٹ کا فیصلہ قانونی طور پر بالکل درست ہے، ضمانت کی منسوخی کیلئے غیر معمولی وجوھات درکار ہوتی ہیں، اس فیصلے سے عملی صورتحال میں کوئ تبدیلی نہیں آئ ،نواز شریف کی سیاست ہمیشہ کیلئے ختم ہو چکی ہے ، نون لیگ ایک اہم سیاسی جماعت ہے انھیں نئ قیادت منتخب کرنی چاھئے

— Ch Fawad Hussain (@fawadchaudhry) January 14, 2019

سماجی رابطوں کی ویب سائٹ ٹوئٹر پر جاری اپنے پیغام میں فواد چوہدری نے کہا کہ سپریم کورٹ کا فیصلہ قانونی طور پر بالکل درست ہے، ضمانت کی منسوخی کیلئے غیر معمولی وجوہات درکار ہوتی ہیں، اس فیصلے سے عملی صورتحال میں کوئی تبدیلی نہیں آئی، نواز شریف کی سیاست ہمیشہ کیلئے ختم ہو چکی ہے، ن لیگ ایک اہم سیاسی جماعت ہے انہیں نئی قیادت منتخب کرنی چاہئے۔