پیپلز پارٹی کی آل پارٹیز کانفرنس آج لاہور میں ہو گا

پیپلز پارٹی کے زیراہتمام آل پارٹیز کانفرنس آج بلاول ہاؤس لاہور میں ہوگی، صوبہ کی تمام جماعتیں اے پی سی میں شریک ہوں گی۔

پیپلز پارٹی پنجاب کے صدر قمر زمان کائرہ کی زیرصدارت اے پی سی میں کورونا کی بگڑتی صورتحال اور پنجاب حکومت کے اقدامات کا جائزہ لیا جائے گا، این ایف سی ایوارڈ اوراٹھارہویں ترمیم پر حکومتی عزائم بھی زیر بحث آئیں گے۔ ٹڈی دل کا حملہ اور حکومتی اقدامات بھی ایجنڈے میں شامل ہے۔

اے پی سی کے اختتام پر متفقہ اعلامیہ جاری کیا جائے گا، آل پارٹیز کانفرنس میں مسلم لیگ نواز، مسلم لیگ قائداعظم، جماعت اسلامی، عوامی نیشنل پارٹی، جمعت علمائے اسلام، جمعیت علمائے پاکستان، عوامی ورکرز پارٹی اور برابری پارٹی سمیت دیگر جماعتوں کے صوبائی سربراہ شریک ہوں گے۔