کراچی: شارعِ فیصل سے 2 اسٹریٹ کرمنلز گرفتار

کراچی : ٹیپو سلطان پولیس نے پی ای سی ایچ سوسائٹی میں شارعِ فیصل پر کارروائی کرتے ہوئے اسٹریٹ کرائم کی متعدد وارداتوں میں ملوث 2 ملزمان کو گرفتار کر لیا، جن کے قبضے کے اسلحہ بھی برآمد ہوا ہے۔

ایس ایچ او ٹیپو سلطان لیڈی انسپکٹر عظمیٰ خان کے مطابق ملزمان کامران اور عبدالوحید اس سے قبل سولجر بازار، شارعِ فیصل، پریڈی اور جمشید کوارٹرز میں بھی وارداتیں کر چکے ہیں۔

انہوں نے بتایا ہے کہ یہ ملزمان ڈکیتی، منشیات اور غیر قانونی اسلحے کی برآمدگی کے مقدمات میں پہلے بھی گرفتار ہو چکے اور کئی بار جیل جا چکے ہیں۔