سابق قومی کپتان شاہد آفریدی کی بہن انتقال کرگئیں

لاہور (اُمت نیوز) پاکستان کرکٹ ٹیم کے سابق کپتان شاہد آفریدی کی بہن انتقال کرگئیں۔
ذرائع کے مطابق مرحومہ کراچی کے نجی ہسپتال میں زیر علاج تھیں، ان کے انتقال کی اطلاع شاہد آفریدی کے بھائی مشتاق آفریدی نے سوشل میڈیا پر دی۔
مشتاق آفریدی کے مطابق مرحومہ کی نماز جنازہ آج دوپہر بعد ازنماز ظہر ڈیفنس فیز 8 کی ذکریہ مسجد میں ادا کی جائے گی۔
یاد رہے کہ گزشتہ روز شاہد آفریدی نے علیل بہن کی صحت یابی کیلئے سوشل میڈیا پر صارفین سے دعا کرنے کی درخواست کی تھی۔