بھارت کو شکست ، آسٹریلیا نے انڈر19 کرکٹ ورلڈ کپ جیت لیا

بینونی(امت اسپورٹس ڈیسک)آئی سی سی انڈر 19 ورلڈ کپ کے فائنل میں آسٹریلیا نے بھارت کو 79 رنز سے شکست دے دی۔بینونی میں کھیلے جارہے انڈر19 ورلڈ کپ کے فائنل میں آسٹریلیا کے 254 رنز کے تعاقب میں بھارت کی ٹیم 174 رنز پر آؤٹ ہوگئی۔قبل ازیں آسٹریلوی ٹیم نے مقررہ 50 اوورز میں 7 وکٹوں کے نقصان پر 253 رنز بنائے، سیم کونسٹاس صفر پر پویلین لوٹے تاہم دوسری وکٹ کی شراکت میں کپتان ہیو ویبگن اور ہیری ڈکسن نے 78 رنز کی پارٹنرشپ قائم کی۔

ہیو ویبگن 48 جبکہ اور ہرجاس سنگھ 55 رنز کی اننگز کھیلنے میں کامیاب ہوئے۔ہیری ڈکسن 42 جبکہ ریان ہکس 20 رنز بناکر آؤٹ ہوئے، دیگر کھلاڑیوں میں راف میک ملن 2، چارلی اینڈرسن 13 رنز بناسکے، میچ کے اختتامی لمحات میں اولیور پیک ایک چھکے اور 2 چوکوں کی مدد سے جارحانہ 46 رنز کی اننگز کھیلی۔بھارت کی جانب سے راج لمبانی نے 3، نمن تیواری نے 2 جبکہ سومی پانڈے اور مشیر خان نے ایک ایک وکٹ حاصل کی۔ مہالی بریڈمین کو 3 وکٹیں حاصل کرنے پر مین آف دی میچ قرار دیا گیا ۔کیوانا مفاکا کو 21 وکٹیں حاصل کرنے پر ٹورنامنٹ کا بہتر ین کھلاڑی قرار دیا گیا ۔

جواب دیں

آپ کا ای میل ایڈریس شائع نہیں کیا جائے گا۔