شاہین آفریدی کی بین الاقوامی کرکٹ میں 300 وکٹیں مکمل

ڈبلن(اُمت نیوز)شاہین آفریدی نے انٹرنیشنل کرکٹ میں اہم سنلِ میل عبور کر لیا، 145 میچوں میں 300 وکٹیں حاصل کر لیں۔
پاکستان کرکٹ ٹیم کے فاسٹ بولر اور سابق کپتان شاہین شاہ آفریدی نے بین الاقوامی کرکٹ میں ایک اور اعزاز اپنے نام کر لیا، انہوں نے انٹرنیشنل کرکٹ میں اپنی 300 وکٹیں مکمل کر لیں، شاہین نے یہ سنگِ میل آئرلینڈ کے خلاف کھیلے گئے دوسرے ٹی ٹوئنٹی میچ کے دوران عبور کیا، انہوں نے یہ کارنامہ محض 145 بین الاقوامی مقابلوں میں سر انجام دیا۔
شاہین شاہ آفریدی نے ٹی ٹوئنٹی میں 84، ون ڈے انٹرنیشنلز میں 104 اور ٹیسٹ کرکٹ میں 113 وکٹیں حاصل کیں ہیں، یوں مجموعی طور پر 145 بین الاقوامی مقابلوں میں انہوں نے کل 300 وکٹیں اپنے نام کی ہیں۔