پاکستان میں کم اقتصادی ترقی۔مہنگائی میں اضافے کا خدشہ ہے۔آئی ایم ایف

رپورٹ کے مطابق رواں مالی سال پاکستان میں مہنگائی کی شرح 7.2 فیصد تک پہنچ سکتی ہے، جبکہ آئندہ مالی سال یہ بڑھ کر 8.4 فیصد تک جانے کا خدشہ ہے۔ گزشتہ مالی سال مہنگائی 4.5 فیصد ریکارڈ کی گئی تھی۔

آئی ایم ایف کے مطابق پاکستان میں بے روزگاری کی شرح اس سال 7.1 فیصد سے کم ہو کر 6.9 فیصد تک آ سکتی ہے، جبکہ اگلے مالی سال یہ مزید کم ہو کر 6.5 فیصد رہنے کا امکان ہے۔

رپورٹ میں مزید کہا گیا ہے کہ رواں مالی سال پاکستان کا کرنٹ اکاؤنٹ خسارہ جی ڈی پی کے 0.4 فیصد کے برابر ہو سکتا ہے، جو اگلے سال بڑھ کر 0.9 فیصد تک پہنچ سکتا ہے۔

آئی ایم ایف نے اپنی رپورٹ میں خبردار کیا ہے کہ جنگ کے باعث عالمی توانائی سپلائی اور مارکیٹیں متاثر ہوئی ہیں، اس لیے عالمی برادری کو بدلتی ہوئی معاشی صورتحال کے مطابق نئی اقتصادی ترجیحات اپنانا ہوں گی۔ ادارے کے مطابق جنگ کی مدت اور شدت ہی عالمی معیشت کے مستقبل کا تعین کرے گی۔