ایران مسائل کو سفارت کاری کے ذریعے حل کرنا چاہتا ہے۔سفارتی ذرائع

تہران میں اس ہفتے امریکہ کے ساتھ ممکنہ دوسرے دور کے مذاکرات کے حوالے سے امید اور مایوسی دونوں طرح کے جذبات پائے جا رہے ہیں، جبکہ سفارتی رابطے بدستور جاری ہیں۔

ایران نے تصدیق کی ہے کہ وہ اسلام آباد کے ساتھ بھی رابطے میں ہے، جبکہ وزیر خارجہ عباس عراقچی گزشتہ تین روز کے دوران خطے اور دیگر ممالک کے ہم منصبوں سے مسلسل بات چیت کر رہے ہیں۔ ایران عمومی طور پر مسائل کو سفارت کاری کے ذریعے حل کرنے کو ترجیح دیتا ہے۔

تاہم ایرانی وزارت خارجہ کے ترجمان کے مطابق اب بھی کئی اہم معاملات زیر التوا ہیں، جن میں دو سے تین بڑے نکات شامل ہیں۔ ان میں آبنائے ہرمز کی صورتحال، خطے میں جنگ بندی (خصوصاً لبنان میں) اور ایران کے افزودہ یورینیم کے ذخائر شامل ہیں۔

اس کے علاوہ ایران کو دیگر خدشات بھی لاحق ہیں، جن میں سیکورٹی کی ضمانتیں، پابندیوں کا خاتمہ اور منجمد اثاثوں کی بحالی شامل ہیں۔

رپورٹس کے مطابق امریکہ کے ساتھ تعلقات میں بداعتمادی کی فضا بھی برقرار ہے، جبکہ ایرانی فوجی بیانات بھی امریکا اور اسرائیل کے مؤقف سے ملتے جلتے ہیں۔ تمام فریقین کا کہنا ہے کہ اگر مذاکرات ناکام ہوئے تو کشیدگی اور تصادم میں مزید اضافہ ہو سکتا ہے۔