روس اور چین کا آبنائے ہرمز سے متعلق اقوام متحدہ کی قرارداد ویٹو کرنے کا امکان

روس اور چین کا آبنائے ہرمز سے متعلق خلیجی حمایت یافتہ اقوام متحدہ کی قرارداد کو ویٹو کرنے کا امکان ہے۔مجوزہ قرارداد کے بارے میں کہا جا رہا ہے کہ اسے اقوام متحدہ کی سلامتی کونسل میں وسیع حمایت حاصل ہے اور یہ آبنائے ہرمز میں بحری آمدورفت کی آزادی کے اصول پر مبنی ہے۔
اگرچہ امریکہ اور بحرین اس قرارداد کے اہم حامی ہیں، تاہم اسے خلیجی تعاون کونسل کے ممالک کی بھی بھرپور حمایت حاصل ہے۔
اس مسودے کی منظوری میں سب سے بڑی رکاوٹ روس اور چین ہیں، جن کے پاس سلامتی کونسل میں ویٹو کا اختیار موجود ہے۔
سفارتی ذرائع کے مطابق روس اور چین نے ارکان کو آگاہ کیا ہے کہ وہ موجودہ شکل میں اس مسودے کو ویٹو کرنے کا ارادہ رکھتے ہیں، کیونکہ اس میں ایران پر ممکنہ پابندیوں کا اشارہ دیا گیا ہے اور ساتھ ہی امریکہ اور اسرائیل کو جنگ شروع کرنے کے حوالے سے واضح طور پر نامزد نہیں کیا گیا۔
یہ واضح نہیں کہ یہ قرارداد کب ووٹنگ کے لیے پیش کی جائے گی، تاہم امکان ہے کہ یہ عمل آئندہ ہفتے کے آغاز میں ہو سکتا ہے۔