روس کا امریکہ، بحرین سے اقوام متحدہ کی ایران سے متعلق قرارداد واپس لینے کا مطالبہ

ماسکو نے امریکہ اور بحرین پر زور دیا ہے کہ وہ اقوام متحدہ کی سلامتی کونسل میں پیش کی گئی وہ مسودہ قرارداد واپس لیں جس میں ایران سے آبنائے ہرمز میں مبینہ ناکہ بندی ختم کرنے کا مطالبہ کیا گیا ہے۔

روسی سرکاری خبر ایجنسی کے مطابق روس کے نائب وزیر خارجہ الیگزینڈر الیموف نے اخبار “ایزوستیا” کو بتایا کہ ماسکو اس قرارداد کی حمایت نہیں کر سکتا، جسے خلیجی ممالک کی بھی حمایت حاصل ہے۔

انہوں نے کہا کہ ہم امریکہ اور بحرینی مسودہ قرارداد کے شریک مصنفین سے مطالبہ کرتے ہیں کہ وہ اسے واپس لیں اور اس پر فوری فیصلہ نہ کریں کیونکہ اس وقت اس دستاویز کے لیے کوئی عملی امکان نظر نہیں آتا۔

الییموف کے مطابق روس اور چین کی جانب سے پیش کیے گئے متبادل مسودے میں فریقین سے جنگ ختم کرنے، طاقت کے استعمال سے گریز کرنے اور تمام اختلافات مذاکرات کے ذریعے حل کرنے کی اپیل کی گئی ہے۔

اقوام متحدہ کی خبر سروس کے مطابق امریکی اور بحرینی مسودہ قرارداد کو کویت، قطر، سعودی عرب اور متحدہ عرب امارات کی حمایت بھی حاصل ہے۔

روسی فیڈریشن کے برعکس، جسے سلامتی کونسل میں ویٹو کا حق حاصل ہے، خلیجی ممالک مستقل ارکان نہیں ہیں۔