امریکی حملے میں سِرک کا ٹیلی کمیونیکیشن ٹاور نشانہ بنا

ایرانی ذرائع ابلاغ کے مطابق جنوبی ایران کے مختلف علاقوں میں دھماکوں کی آوازیں سنی گئی ہیں، جبکہ سِرک میں ایک ٹیلی کمیونیکیشن ٹاور کو نشانہ بنائے جانے کی اطلاعات سامنے آئی ہیں۔

نیم سرکاری خبر رساں ادارے تسنیم نے رپورٹ کیا ہے کہ جنوبی ساحلی علاقے میں آبنائے ہرمز کے قریب واقع سِرک کے گاؤں طہروئی کے نزدیک کئی دھماکے ہوئے۔

ایرانی سرکاری ذرائع نے واقعے کی تصدیق کی ہے، تاہم حملے کی نوعیت، اس کے ذمہ دار عناصر یا ممکنہ جانی و مالی نقصان کے بارے میں تاحال کوئی سرکاری تفصیلات جاری نہیں کی گئیں۔

رپورٹس کے مطابق جزیرہ قشم میں بھی دھماکوں کی آوازیں سنی گئیں، جبکہ بعض ایرانی میڈیا اداروں نے دعویٰ کیا ہے کہ سِرک میں امریکی حملے کے دوران ٹیلی کمیونیکیشن ٹاور کو نشانہ بنایا گیا۔