شام میں اسرائیلی فوج کی میڈیا ٹیم پرفائرنگ کی ویڈیو سامنے آگئی

شام کے ایک گاؤں میں اسرائیلی فوجیوں کی جانب سے ایک میڈیا ٹیم پر فائرنگ کی ویڈیو منظرِ عام پر آگئی ہے۔

رپورٹس کے مطابق ویڈیو میں اسرائیلی فوجیوں کو صحافیوں کی ٹیم کی جانب فائرنگ کرتے ہوئے دیکھا جا سکتا ہے، جب وہ علاقے میں اپنی پیشہ ورانہ ذمہ داریاں انجام دے رہی تھی۔

ماہرین کا کہنا ہے کہ یہ واقعہ ایک وسیع تر رجحان کا حصہ ہے، جس کے تحت اسرائیلی افواج جنوبی شام میں فوجی کارروائیوں کی رپورٹنگ کرنے والے صحافیوں کا مسلسل تعاقب، انہیں حراست میں لینے اور ان پر فائرنگ کرنے جیسے اقدامات کرتی رہی ہیں۔