چین میں سیلاب، 900زہریلے کوبرا سانپ فارم سے فرار

 بیجنگ: جنوبی چین میں شدید بارشوں اور سیلاب کے باعث ایک سانپوں کے فارم کو نقصان پہنچنے کے بعد سینکڑوں زہریلے سانپ، جن میں کوبرا بھی شامل ہیں، فارم سے نکل گئے، جس پر مقامی انتظامیہ نے شہریوں کو احتیاط برتنے کی ہدایت جاری کر دی ہے۔

مقامی حکام کے مطابق صوبہ گوانگسی کے ایک علاقے میں شدید سیلاب کے دوران سانپوں کی افزائش کے فارم کو نقصان پہنچا، جس کے نتیجے میں بڑی تعداد میں سانپ پانی کے ساتھ مختلف اطراف میں پھیل گئے۔ ریسکیو ٹیمیں اور متعلقہ ادارے سانپوں کی تلاش اور انہیں محفوظ طریقے سے پکڑنے کے لیے کارروائیاں کر رہے ہیں۔

چین شدید سیلاب کی وجہ سے 900 کوبرا زہریلے سانپ پنجروں سے فرار ہوگئے

کوبرا سانپوں کے شدید حملے سے کئی شہری زخمی ہوگئے pic.twitter.com/7d1bXDW1oD

— Ghulam Nabi Madni (@GNMadani) July 11, 2026

حکام نے شہریوں کو خبردار کیا ہے کہ اگر کسی مقام پر سانپ نظر آئے تو اسے خود پکڑنے یا مارنے کی کوشش نہ کریں بلکہ فوری طور پر متعلقہ اداروں کو اطلاع دیں تاکہ تربیت یافتہ عملہ کارروائی کر سکے۔

سیلاب سے متاثرہ علاقوں میں ریسکیو آپریشن بھی جاری ہے، جبکہ شدید بارشوں اور طغیانی کے باعث متعدد افراد کے متاثر ہونے کی اطلاعات ہیں۔ حکام صورتحال پر مسلسل نظر رکھے ہوئے ہیں اور عوام سے حفاظتی ہدایات پر عمل کرنے کی اپیل کی ہے۔

ادھر مقامی انتظامیہ کا کہنا ہے کہ سیلاب سے متاثرہ علاقوں میں امدادی سرگرمیاں تیز کر دی گئی ہیں اور متاثرہ افراد کو محفوظ مقامات پر منتقل کرنے کے ساتھ ساتھ ممکنہ خطرات سے نمٹنے کے لیے ہنگامی اقدامات کیے جا رہے ہیں۔