لاہور کے علاقے اسلامپورہ میں چھاپے کے دوران اشتہاری ملزمہ کا پتھراؤ، ایس ایچ او زخمی

پولیس پارٹی پر حملہ، ملزمہ گرفتار، کارِ سرکار میں مداخلت کا مقدمہ درج۔

November 18, 2026 · جرم وسزا
لاہور کے علاقے اسلامپورہ میں چھاپے کے دوران اشتہاری ملزمہ کا پتھراؤ، ایس ایچ او زخمی

لاہور کے علاقے اسلامپورہ میں چھاپے کے دوران اشتہاری ملزمہ کا پتھراؤ، ایس ایچ او زخمی

لاہور کے علاقے اسلامپورہ میں پولیس کے چھاپے کے دوران ایک اشتہاری ملزمہ نے مبینہ طور پر پتھراؤ کرکے انسپکٹر کو زخمی کردیا ہے۔ واقعہ کے بعد پولیس نے فوری کارروائی کرتے ہوئے ملزمہ کو حراست میں لے لیا اور اس کے خلاف مقدمہ درج کرلیا ہے۔

پولیس حکام کے مطابق ویمن پولیس اسٹیشن کی ایس ایچ او نے لیڈیز پولیس کے ہمراہ اسلامپورہ کے ایک مقام پر اشتہاری ملزمہ منیبہ شاہین کی گرفتاری کے لیے چھاپہ مارا۔ کارروائی کے دوران ملزمہ نے پولیس پارٹی پر پتھراؤ شروع کردیا۔

پولیس ذرائع اور دستیاب تفصیلات کے مطابق پتھراؤ کے نتیجے میں پیٹرولنگ گاڑی میں موجود انسپکٹر طارق کو ایک اینٹ لگ گئی جس سے وہ زخمی ہوگئے۔ واقعے کے فوراً بعد زخمی انسپکٹر کو طبی امداد کے لیے اسپتال منتقل کردیا گیا۔

حکام کا کہنا ہے کہ پولیس نے مطلوبہ اشتہاری ملزمہ منیبہ شاہین کو گرفتار کرکے اس کے خلاف کارِ سرکار میں مداخلت اور پولیس پر حملے کی دفعات کے تحت مقدمہ درج کر لیا ہے، اور مزید قانونی کارروائی کا آغاز کر دیا گیا ہے۔