چیف جسٹس نےموبائل فون کارڈچارجنگ پرٹیکس کٹوتی کانوٹس لے لیا

اسلام آباد: چیف جسٹس میاں ثاقب نثار نے موبائل فون کارڈز کی چارجنگ پر ٹیکس کٹوتی کا از خود نوٹس لے لیا۔ اطلاعات کے مطابق سپریم کورٹ نے اٹارنی جنرل سے رپورٹ طلب کرتے ہوئے آئندہ منگل کو کیس سماعت کیلئے مقرر کرنے کا حکم دے دیا۔ چیف جسٹس پاکستان نے استفسار کیا ہے کہ بتایا جائے موبائل فون کارڈ پر کون کون سے ٹیکس لاگو ہوتے ہیں ۔ 100 روپے کا کارڈ چارج کرنے پر تقریبا 40 روپے کاٹ لئے جاتے ہیں ۔ یہ کٹوتیاں کس قانون کے تحت کی جاتی ہیں۔یاد رہے کہ اس سے قبل سینیٹ کی قائمہ کمیٹی برائے آئی ٹی نے بھی موبائل کمپنیوں کے کارڈ پر ٹیکس وصولی کے طریقہ کار پر شدید تشویش کا اظہار کیا تھا۔ کمیٹی ارکان کمیٹی نے ایک سو روپے کے موبائل کارڈ پر 40 روپے سے زائد ٹیکس کٹوتی پر تحفظات کا اظہار کرتے ہوئے کہا تھا کہ غریب عوام اور نان فائلر صارفین کی سہولت کیلئے دوسرا طریقہ کار اپنایا جائے۔