فیصل آباد میں باپ کو قتل کرنے والا قاتل بیٹا گرفتار

فیصل آباد: صوبہ پنجاب کے شہر فیصل آباد میں ڈیڑھ ماہ پہلے قتل ہونے والے شخص کا بیٹا قاتل نکلا۔ پولیس کے مطابق جڑانوالہ کے رہائشی اکرم کو 24 مارچ کو نامعلوم افراد نے فائرنگ کرکے زخمی کر دیا تھا، جو 5 روز بعد اسپتال میں دم توڑ گیا تھا۔ پولیس کو واقع کی تفتیش کے دوران انکشاف ہوا کہ مقتول کے بیٹے تنویر نے اپنی دوست کو 10 ہزار روپے ادھار دیئے تھے جس کا تقاضا کرنے پر اس نے اپنے باپ کو قتل کیا۔ ملزم نے اعتراف جرم کرتے ہوئے بتایا کہ اس نے اپنی دوست کو 10 ہزار روپے دیئے تھے جس کا علم ہونے پر اس کے والد نے لڑکی کے گھر جاکر رقم کی واپسی کا تقاضا کردیا۔ ملزم کے مطابق اسی بنا پر اس نے فائرنگ کرکے باپ کو زخمی کردیا تھا جو بعد میں دم توڑ گیا۔