ٹرمپ مسلمانوں کے اعزاز میں بدھ کو افطار ڈنر دینگے

واشنگٹن: امریکا کے صدر ڈونلڈ ٹرمپ بدھ کے روز مسلمانوں کے اعزاز میں وائٹ ہاؤس میں افطار ڈنر دیں گے۔
غیر ملکی خبر رساں ادارے کے مطابق ٹرمپ کا افطار ڈنر 6 جون بروز بدھ کو ہوگا۔
ذرائع کے مطابق وائٹ ہاؤس نے اب تک مہمانوں کی فہرست جاری نہیں کی ۔
خیال رہے کہ گزشتہ ماہ ڈونلڈ ٹرمپ نے امریکا اور دنیا بھر کے مسلمانوں کو رمضان کی مبارکباد دیتے ہوئے ان کے لئے نیک خواہشات کا اظہار بھی کیا تھا۔ گزشتہ برس ٹرمپ نے افطار ڈنر نہیں دیا تھا جس پر وائٹ ہاؤس کو شدید تنقید کا نشانہ بنایا گیا تھا۔