بغداد میں انتخابی بیلٹ باکسزکے گودام میں آگ لگ گئی

بغداد:بغداد میں ایک گودام میں جہاں بیلٹ باکس رکھے ہوئے تھے آگ لگ گئی تھی۔ عراقی حکام کا کہنا ہے کہ آتش زدگی کے اس واقعے میں بیلٹ باکسوں کا کوئی نقصان نہیں ہوا تھا اور انھیں پہلے ہی محفوظ جگہ پر منتقل کردیا گیا تھا۔عراقی وزارتِ داخلہ نے ایک بیان میں کہا تھا کہ گودام کے اس یونٹ میں آگ لگی تھی جہاں الیکٹرانک مشینیں رکھی گئی تھیں ۔بیلٹ باکسوں کو پہلے ہی محفوظ کر لیا گیا تھا جبکہ بعض عینی شاہدین کا کہنا تھا کہ کچھ بیلٹ باکسز جل گئے تھے اور آگ کی شدت سے ان کی حالت بدل گئی تھی۔آتش زدگی کے اس واقعے کے الزام میں تین افراد کو گرفتار کیا گیا تھا۔