نوابشاہ میں کوچ، کار اور وین میں تصادم، 11 مسافر جاں بحق

نواب شاہ: نواب شاہ میں دوڑ روڈ پر مسافر کوچ، کار اور وین میں تصادم ہوا جس کے نتیجے میں 11 مسافر جاں بحق جبکہ متعدد زخمی ہوگئے۔
واقعے کی اطلاع ملتے ہی پولیس اور ریسکیو ٹیمیں جائے حادثہ پرپہنچ گئیں اور امدادی کارروائیاں شروع کردیں۔
پولیس کےمطابق حادثے میں 11 مسافر جاں بحق اور متعدد زخمی ہوگئے۔ زخمیوں اور لاشوں کو پیپلز میڈیکل اسپتال منتقل کردیا گیا ہے جہاں بعض زخمیوں کی حالت تشویشناک بتائی جاتی ہے۔