غربت ملک کا بڑا مسئلہ ہے،پی ٹی آئی اور ن لیگ نے کچھ نہیں کیا۔بلاول

رحیم یار خان:پاکستان پیپلزپارٹی بلاول بھٹو زرداری نے کہاکہ شہید بی بی کےبعد ایک خلا پیدا ہوگیا تھا،آج جس طرح یہاں استقبال ہوا، فخر سے کہہ سکتا ہوں بی بی تیرا قافلہ رکا نہیں،انہوں نے کہاکہ بی بی شہید کا وعدہ نبھانے اورپاکستان کوبچانے کے لیے نکلا ہوں۔رحیم یار خان میں جلسے سے خطاب کرتےہوئے بلاول بھٹو نے کہاکہ پیپلزپارٹی کا منشور عوام دوست منشور ہے، ہم سارے کسانوں کو رجسٹرڈکرائیں گےاور انہیں بے نظیر کسان کارڈ جاری کریں گےجس کے ذریعے کسانوں کوبلاسود قرضے اورسبسڈی ملے گی۔بلاول بھٹو نے کہاکہ اقتدار میں عوام کے لیے اورپاکستان کو دہشت گردی سے پاک کرنے کے لیے آناچاہتا ہوں۔اس کے علاوہ عورتوں کوتحفظ اور اقلیتوں کو حقوق دلانے کے لیے اقتدارچاہتا ہوں۔

پاکستان پیپلز پارٹی کے چیئرمین بلاول بھٹو زرداری نے مزید کہاکہ اس وقت ملک کا سب سے بڑا مسئلہ غربت ہے،کیا جنوبی پنجاب کی محرومیاں دور کرنے کے لیے تخت رائیونڈ نے کچھ کیا؟یہ الیکشن آپ کے مسائل کے حل کے لیے ہونے چاہیے۔