آرمی چیف جنرل قمر جاوید باجوہ کا زیلم کوٹ ٹوئین ٹیوب ٹنل کا دورہ

راولپنڈی:آرمی چیف جنرل قمر جاوید باجوہ نے سوات ایکسپریس وے پرزیلم کوٹ ٹوئین ٹیوب ٹنل کا دورہ کیا ہے۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاوید باجوہ نے سوات ایکسپریس وے پرزیلم کوٹ ٹوئین ٹیوب ٹنل کا دورہ کیا جہاں انہیں اس حوالے سےبریفنگ دی گئی ہے۔

آئی ایس پی آر کے مطابق آرمی چیف کو بتایا گیا کہ ٹیوب ٹنل کی تکمیل سے اسلام آباد اورچکدرہ کے درمیان فاصلہ کم ہوجائے گا۔

اس موقع پرآرمی چیف نے ایف ڈبلیو او کے کام کے معیار کو سراہتے ہوئے کہا کہ سماجی و معاشی ترقی ملک کی ترقی وخوشحالی کی کنجی ہے۔