شندور پولو فیسٹیول کے فائنل میں چترال نے گلگت کو ہرا دیا

چترال: شندور میں 3 روزہ پولو فیسٹیول تمام رنگینیوں کیساتھ ختم ہو گیا۔ چترال کی ٹیم نے گلگت کو 5 کے مقابلے میں 10گولز سے ہرا کر کامیابی حاصل کر لی۔

شندور میں دلچسپ فیسٹیول کے تیسرے اور آخری روز بڑی تعداد میں مداحوں نے شرکت کی۔ چترال اور گلگت کے درمیان فائنل معرکے میں شائقین کھیل سے خوب محظوظ ہوئے، شرکانے روایتی رقص سے سماں باندھ دیا۔ چترال نے 5 کے مقابلے میں 10 گولز سے فتح سمیٹی۔ شائقین نے ایونٹ کو تفریح کیساتھ سیاحت کے فروغ کیلئے بھی معاون قرار دیا۔