ہمارامقابلہ سیاستدانوں سے نہیں ، غربت اور بےروزگاری سے ہے،بلاول

لاڑکانہ:چیئرمین پاکستان پیپلز پارٹی بلاول بھٹو زرداری نے کہاکہ ہم بی بی شہیدکاوعدہ نبھائیں گے پاکستان بچائیں گے،پیپلز پارٹی کا مقابلہ کسی جماعت یا سیاستدان سے نہیں بلکہ ہمارامقابلہ غربت اوربےروزگاری سے ہے ۔
انتخابی مہم کے آخری روز جیالوں سے خطاب کرتے ہوئے چیئرمین پاکستان پیپلز پارٹی بلاول بھٹو زرداری کا کہنا تھا کہ صرف پیپلز پارٹی ہی عوام کے مسائل حل کر سکتی ہے اور اس مشکل جدوجہد میں آپ کا ساتھ ضروری ہو گا۔
انہوں نے کہاکہ پیپلزپارٹی کامنشورہمیشہ عوام دوست رہاہے، پیپلزپارٹی بھوک مٹاؤ پروگرام لےکرآئے گی،پروگرام کے تحت غذائی قلت کامقابلہ کریں گے اور یونین کونسل کی سطح پرفوڈ سٹورز کھولیں گے جو خواتین چلائیں گی۔
ان کا مزید کہنا تھا کہ پیپلز پارٹی کا مقابلہ کسی جماعت یا سیاستدان سے نہیں بلکہ ہمارامقابلہ غربت اوربےروزگاری سے ہے اور جو کسی اور کاکام کرتے ہیں وہ عوام کا کا م نہیں کر سکتے ۔