تحفظات کے باوجود ملک کیلئے آپس میں نہیں لڑیں گے،حمزہ شہباز

اسلام آباد:مسلم لیگ ن کے مرکزی رہنما حمزہ شہباز نے کہا کہ عام انتخابات پر تمام تر تحفظات کے باوجود پاکستان کے لئے آپس میں نہیں لڑیں گے۔
ووٹ قوم کی امانت ہے، اگر قوم کی امانت کے ساتھ کھلواڑ ہوا ہے تو ہمارا فرض ہے کہ احتجاج ریکارڈ کروائیں،

انہوں نے کہاکہ ہم اپنا احتجاج بھی ریکارڈ کروائیں گے اور پاکستانیت کے تقاضے کو سامنے رکھتے ہوئے اس ملک کو آگے بھی لیکر جائیں گے ۔
پنجاب میں حکومت سازی کے حوالے سے انہوں نے کہا کہ 2013میں نوازشریف کوکہا گیا تھاکہ کے پی کے میں حکومت بنائیں لیکن نوازشریف نہیں مانے تھے ۔
لیکن اگر ہمیں پنجاب میں حکومت بنانے نہ دی گئی تو ہم اس کو عوام کے سامنے بے نقاب کریں گے ۔حمزہ شہباز شریف نے کہاکہ الیکشن کمیشن اور نگران حکومت کو انصاف کرنا چاہئے تھا اس معاملے کو ہم پارلیمنٹ میں بھی اٹھائیں گے اور قوم کو بھی آگاہ کریں گے تاکہ آئندہ الیکشن شفاف ہو۔