ن لیگ اورپیپلز پارٹی کااعلیٰ سطح کااجلاس،حکومت سازی پر مشاورت

لاہور:پنجاب اور وفاق میں حکومت سازی کے حوالے سے مسلم لیگ ن اور پیپلز پارٹی کا اعلیٰ سطح کا اجلاس ہوا جس میں قومی اور صوبائی اسمبلیوں میں مشترکہ حکمت عملی پر بھی غور کیا گیا جبکہ اسپیکر اور وزیراعظم کے انتخاب پر بھی تبادلہ خیال کیا گیا۔
نجی ٹی وی کے مطابق لاہور میں دونوں پارٹیوں کے رہنمائوں کے درمیان حکومت سازی سے متعلق ہونے والے اجلاس شرکت کرنے والے لیگی وفد کی قیادت شہباز شریف جبکہ پیپلز پارٹی وفد کی قیادت سابق وزیراعظم یوسف رضا گیلانی نے کی۔
ملاقات میں خواجہ سعد رفیق، خواجہ آصف، اسپیکر قومی اسمبلی سردار ایاز صادق اور خورشید شاہ نے بھی شرکت کی۔