نیویارک میں ڈریگن بوٹ فیسٹیول

نیویارک :امریکا میں روایتی ڈریگن بوٹ میلے کے موقع پر کشتیوں کی دلچسپ ریس کا انعقاد کیا گیا ،جس میں سیکڑوں افراد نےشرکت کی۔

امریکا کے شہر نیویارک میں منعقد ہونے والی اس اٹھائیس ویں سالانہ انٹرنیشنل ڈریگن بوٹ ریس میں امریکاسمیت دنیا کے مختلف ممالک سے تعلق رکھنے والی درجنوں ٹیموں نے حصہ لیا اور کشتیوں کی ریس لگاتے ہوئے نہ صرف5 سو میٹر کا مقرہ فاصلہ طے کیا بلکہ اپنی ماہرانہ صلاحیتوں کا عملی مظاہرہ بھی خوب کیا۔

منفرد نوعیت کے اس دو روزہ ڈریگن بوٹ ریس کودیکھنے کیلئے لوگوں بڑی تعداد موجود تھی جو نہ صرف اس ایونٹ کو انجوائے کررہے تھے بلکہ کھلاڑیوں کی مہارت کی داد دے رہے تھے۔